قصة حب معاصرة بين ياسر ويسرية!!!!!!!

زائر

النهارده جبنالكوا قصه من واقع الحياه المصريه مع أضافه بعض روح الفكاهه والمرح بناقش فيها قضايا كتير زي الفقر والفراغ والاختلاف الكبير بين طبقات المجتمع ولكن بشكل كوميدي ..

أحداث القصه من واقع الخيال والخيال ما هو الا سيناريو كتبناه بايدينا
طبعا عايزين تعرفوا مين أحنا ..
والأهم أحداث القصه

محور الشخصيات..
ياسر: قامت بنمثيل دوره ساسو "sasso "
يسريه : وقامت بتمثيل دورها "SeNDrilla "
وباقي الشخصيات قمنا بتمثيلهم معاً
ويارب العمل ينول أعجابكم ورضاكم
وطبعاً بنوعدكم لو عجبكم بنكمل الأجزاء
ونسيبكم مع الأحداث
***
يوم جميل والشمس طالعه (وحرقت قفا الغلابه) انما سي ياسر يا سلام يا سلام يا سلام ياسر ده شاب كلاس اوي وفافي (فرفور يعني قولوا متتكسفوش) من عيله ارستقراطيه من بتوع رد كلبي وفي يوم من ذات الايام وفي مره من ذات المرامير ياسر يقابل اللي هتغيرله كل حياته ونرجع بظهرنا لورا لليوم التاريخي

ياسر صحى الصبح زي اي بنى ادم وضرب الكابوتشينو وضرب الجيل في شعره وضرب مفاتيحه (عالم مفتريه ربنا عالظالم) ونزل عشان يخرج مع وليد صاحبه ويروشنوا (ربنا يروشهم زي ما هم رواشنا )

احمد:صباح حاير طاير عالي المقامات جاي من جميع الاتجاهات يصبح على احلى البهوات

ياسر:ايه يا ابني الكلام ده كله بتجيبه منين

احمد:من عبده حركات

ياسر:وات(يعني ايه بس بالاسباني ربنا يكفيكوا شر الجهل)

احمد:انت لسه هتوتوت ده بقى معرفه اخوك حاجه كده معفنه ولوكال موت(بيئه يعني بعيد عن السامعين)بنروح نغير جو عنده بدل الخلق النضيفه اللي بنشوفها كل يوم

ياسر:وااااو دي فكره جامده كيك مش كنت تديني الو من زمان

احمد:خلاص يا كبو انا هروحله بكره اخد عنده حصه تشرد تيجي معايا

ياسر:اوفكورز (يعني طبعا كسفتونا ادام الاجانب)

احمد:لا ابوس ايدك بلاش تعليمك الاجنبي وحصص الاسباني بتاعتك دي تنقح عليك واحنا هناك احسن يتفكرك بتشتمه وساعتها مش هتلحق حتى تصوت بالهيروغليفي

ياسر:ولا يهزك بكره تشوف شاب من العشوائيات واقف معاك دوس انت بس وحددلنا معاد معاه

احمد:بيس يا مان نتقابل بكره افترنون (بعد الضحا في الآياله )ونروحله سوا

ياسر:بيس يا كبو سي يو

*******

ياسر:لازم اوطي على الموبايل واحب على ايده عشان ترد

احمد:سوري يا مان كنت باخد شاور عشان ننزل

ياسر:شاور........ وبتقول انا اللي هفضحك هناك يلا يا عم النضيف خلصنا

احمد:اما نشوف مين هيفضح مين

ياسر: طيب يلا عاوزين نلحق معادنا

احمد:انا لسه هلبس اقولك روح انت اسبقني على هناك وانا هحصلك

ياسر:اسبقك فين معرفش الادريس(الخريطه يا بني ادمين)

احمد:لا استناني انت عند الميدان وانا هجيلك ونروح توجزر( مع بعضياتنا)

ياسر:لا اوصفلي انت العنوان وانا هروح ده انت معاك ياسو على سن ورمح

احمد:طيب حاسب السن يتكسر وتضيع هيبتك يا سيد الرجاله بص انت هتسأل على حاره بسطاويسي الدهل وتمشي كده على طول على طول

ياسر:لحد ما تلاقي عماره دي وصفه سهله دي وصفه هايله

احمد:هيهيهيهيههي ايه الليله الكبيره اللي انت عايش فيها دي هوديك انا يا عم اللذيذ وخلصني

ياسر:لا خلاص انا هروح وهسأل على حاره بسطاويسي العبيط صح ؟؟

احمد:ههههههههههههه والله ما عبيط غيرك يا ابني الدهل مش العبيط

ياسر:يا عم كلهم من عيله المتخلف تربيه السرايا السفرا يلا سي يو زير(اشوفك هناك انا هاخد حق الترجمه في الاخر)

احمد: اوك سي يو

ويركب ياسر عربيته ويروح العنوان اللي وصفهوله ويقف عند أول الحاره مش عارف يروح فين ولا ييجي منين وملبوخ(فرفور يا جماعه حاولوا تقدروا الموقف)
ويقرر انه يطلع البطل اللي جواه وينزل من العربيه يسال اي مخلوق من اللي في الحاره عن عبده حركات
وينزل ياسر من العربيه والكل عمال يتفرج عليه كأنه من كوكو تاني شاب نضيف وريحته حلوه وشكله مستحمي قريب يعني خرج عن سلو بلدنا وماسك في ايده البتاع اللي اسمه النوبايل لدرجه انهم شكوا انه الريس بس متنكر ما هي مش بعيده عليه يعمل اي حاجه ده.............تيت............... (حذفت بواسطه الرقابه)مكنش حد راضي يقرب منه ولا يكلمه لحد ما شاف بنت على اد ما باين عليها الفقر وعلامات التشرد الا انها جميله والرقه باينه في ملامحها وحب يفرد عضلاته ويعمل جو لنفسه وراح يسالها عن عبده حركات و...........................

يُتـــــــــــــــ ياسر ويسريه ـــــــــــــــــبع

هههههههههههه بجد جمية جدا
عاوزين الجزء التانى بسرعة

زائر

اوك

والف شكر على مرورك